Cinsi inkişaf genetik proqramlaşdıırılmış bir proses olub 7-8 yaşda başlayır və 17-18 yaşda başa çatır. Menstrual tsikl (aybaşiyabənzər ifrazat) və ikincili cinsi əlamətlərin 7 yaşa qədər meydana çıxması vaxtından əvvəl cinsi inkişaf adlanır. Cinsi inkişafın 3 əsas göstəricisi var: 

1. Telarxi – prolaktin hormonunun təsiri nəticəsində süd vəzilərinin böyüməsi

2. Pubarxe – qasıq nahiyəsinin tüklənməsi

3. Menarxe – menstrual tsikl və ya aybaşıyabənzər ifrazatın gəlməsi 

Normada 10-13 yaşdan başlayır və 17-18 yaşda başa çatır. Cinsi inkişafın vaxtından qabaq inkişafı zamanı bu proses 7-8 yaşdan əvvəl başlayır.

İzoseksual və heteroseksual tipləri olur. İzoseksual qızlarda öz cinsinə uyğun cinsi əlamətlər olur. Bu tipin də 3 yarımtipi olur: serebral, yumurtalıq, konstitusional. Heteroseksual qızlarda kişi cinsinə məxsus cinsi əlamətlər yaranır. Daha çox serebral formaya rast gəlinir.

Səbəbləri 

• Qidalanma 

• Günəşin yüksək aktivliyi

• İrsiyyət 

• Virus infeksiyaları 

• Kimyəvi intoksikasiya (dərmanlar)

• Radiasiya

• Alkoqolizm, narkomaniya və endokrin xəstəliklərdən əziyyət çəkən valideynlərin övladları

• Üzvi patologiya (şişlər)

• Doğuş travması, ağır keçən hamiləlik toksikozu, hipoksiya

Diaqnostikası 

• Ümumi baxış

• Kiçik çanaq orqanlarının USM-i

• Qan plazmasında cinsiyyət hormonlarının təyini

• Dinamik müayinə

• Sümük yaşının təyini (uşağın əl biləyinin rentgen filmi olub skeletin yetkinlik dərəcəsini təyin edir)

• EEQ ilə bərabər nevroloji müayinə

Müalicəsi 

• Etioloji-cinsi inkişafın tezləşməsinin tormozlanması istiqamətində

• Hormonal terapiya

• Şiş toxuması aşkarlanıbsa, onun kəsilib götürülməsi